,./.,

,,

... ...

';';';';

''=

==

\\..\\

Drop Down MenusCSS Drop Down MenuPure CSS Dropdown Menu

Tuesday, August 1, 2017

Image may contain: 4 people, people smiling, people standing
MIAKA 34 iliyopita, siku kama ya leo (Agosti 1, 2016), zaidi ya wanajeshi 100 na raia 200 waliuawa kwenye jaribio la mapinduzi nchini lililotibuka.
Wanawake walibakwa na baadhi yao walijiua kwa kutendewa unyama. Uchumi wa Kenya ulipata hasara ya Sh500 milioni kwa kuvurugika kwa saa 12.

Mnamo siku hiyo maafisa wa vyeo vya chini wa kijeshi walijaribu kupindua serikali ya Rais Daniel arap Moi, shughuli iliyochukua saa 12. Mmoja wa wanajeshi waliopanga mapinduzi hayo alikuwa Senior Private Hezekiah Ochuka Rabala, aliyejitangaza rais kwa saa sita pekee kabla ya wanajeshi watiifu kwa serikali kutibua njama zake na wenzake.

Wanajeshi hao wa jeshi la angani, walitwaa kituo cha utangazaji cha shirika la utangazaji la Kenya wakati huo kikifahamika kama Sauti ya Kenya (VOK) na kutangaza sababu zao za kupindua serikali.

Kulingana nao, walichochewa kupindua serikali kwa sababu ya hali mbaya ya uchumi na utawala mbaya. “Kwa hivyo, hali ya kutotoka nje imetangazwa na watu wanashauriwa kukaa ndani ya nyumba zao.Mipaka yote imefungwa, wabunge wote wakae ndani ya nyumba zao kwa usalama wao,” alitangaza Bw Ochuka.
Polisi wote waliagizwa kuvua mavazi yao rasmi na kuwa raia wa kawaida, ishara kwamba wanajeshi walikuwa wametwaa mamlaka.

Baadaye ilibainika kuwa jaribio hilo la mapinduzi lingezimwa mapema. Shirika la ujasusi la Kenya, wakati huo likifahamika kama Special Branch, lilikuwa limepenya katika jeshi na lilifahamu kwamba baadhi ya wanajeshi walipanga kupindua serikali.

Maafisa wa Special Branch walikuwa na majina ya wanajeshi waliopanga mapinduzi hayo lakini walipoomba ruhusa ya kuwakamata siku mbili kabla ya Agosti 1 1982 Rais Moi alikataa.
Miongoni mwa wanajeshi ambao aliyekuwa mkuu wa ujasusi wakati huo James Kanyotu aliomba Rais Moi kumruhusu kuwakamata walikuwa Sajini Joseph, Koplo Charles Oriwa, Koplo Walter Ojode, Koplo Bramwel Injene Njereman na Senior private Protas Oteyo Okumu na Hezekiah Ochuka.
Walivyotwaa serikali
 

Rais Moi hakudhani kwamba ingekuwa vyema kwa polisi kuingilia masuala ya kijeshi na alimweleza Bw Kanyotu kwamba suala hilo lingetatuliwa Jumatatu ya Agosti 2 1982. Hata hivyo, saa sita usiku wa Agosti 1, wanajeshi waliopanga mapinduzi hayo walitwaa Sauti ya Kenya, Benki Kuu ya Kenya kwa kile walichotaja kama kulinda pesa za umma.
Aidha, walipanga kulipua Ikulu ya Nairobi na makao makuu ya jeshi (DOD) jambo ambalo halikufaulu. Waliwateka baadhi ya marubani wa ndege za kivita na kuwalazimisha kushiriki katika ulipuaji huo.

Kapteni Jorim Nyamor, mmoja wa marubani hao alisimulia jinsi alivyotekwa kutoka nyumbani kwake Nairobi na kupelekwa Nanyuki ambako operesheni ya mapinduzi ilipangiwa.
Hii ilikuwa muda mfupi tu baada ya Hezekiah Ochuka kutangaza kuwa jeshi lilikuwa limepindua serikali. Ochuka alikuwa na kiongozi wa wanafunzi wa chuo kikuu cha Nairobi Titus Adungosi.
Kapteni Nyamor alisema alikamatwa pamoja na wanajeshi wengine baada ya kuagizwa na watekaji wake kulipua DOD.
“Niliwauliza wanipe muda wa saa moja au mawili kwa sababu nilikuwa na jambo la dharura la kushughulikia na walikubali,” Kapteni Nyamor ambaye baadaye aliajiriwa na Shirika la Ndege la Kenya alisema alipohojiwa na Taifa Leo 2012.

“Tulipelekwa jela ya Kamiti na baadaye tulipelekwa Naivasha ambapo tuliteswa” alisema. Alisema waliwekwa kwenye maji baridi kwa miezi minane lakini baadaye hawakupatikana na hatia na walistaafishwa kwa lazima baada ya kulipwa Sh60 pekee.
Kunyongwa
 

Wanajeshi waliopatikana na hatia, akiwemo kiongozi wa mapinduzi hayo, Ochuka walinyongwa katika jela la Kamiti.
Walikuwa wafungwa wa mwisho kuuawa baada ya kuhukumiwa kunyongwa nchini Kenya, kulingana na rekodi za magereza.

Japo jaribio hilo lilikuwa la kijeshi baadhi ya wanasiasa walitajwa kuhusika akiwemo kiongozi wa Cord Raila Odinga ambaye wakati huo alikuwa naibu mkurugenzi wa Shirika la Ukadiriaji bidhaa la Kenya.

Alikamatwa na kushtakiwa kwa uhaini lakini baadaye mashtaka dhidi yake yaliondolewa. Mwingine alikuwa ni Rateng Oginga Ogego aliyekuwa mwanafunzi wa somo la sayansi ya kisiasa katika chuo kikuu cha Nairobi wakati huo.,Baadaye aliteuliwa balozi wa Kenya Amerika.
Ogego alishtakiwa na kufungwa jela miaka sita. Aliambia mahakama ya rufaa kwamba alijuta kwa sababu jaribio hilo lilifeli na hukumu yake ikaongezwa hadi miaka 10 jela.
Isaac Ruto ndani
 

Bw Isaac Ruto, ambaye kwa sasa ni Gavana wa Bomet aliyekuwa mwanafunzi wa mwaka wa pili katika chuo kikuu cha Nairobi wakati wa jaribio hilo na naibu mwenyekiti wa chama cha wanafunzi. Alikamatwa na kuachiliwa baada ya mwezi mmoja.
Mfanyabiashara Shem Ochuodho, ambaye wakati mmoja alikuwa mbunge wa Rangwe. Alikuwa mwanafunzi wa mwaka wa tatu chuoni na mwanachama wa baraza la chama cha wanafunzi. Alikamatwa kwa kushiriki maandamano haramu na kusukumwa jela miezi sita.

Wengine ambao walinusurika walikuwa ni Philip Murgor ambaye alisukumwa jela miezi sita kwa kuhusishwa na mapinduzi hayo. Baba yake Charles Murgor alikuwa naibu waziri.
Kiongozi wa Amani National Congress Musalia Mudavadi ambaye alikuwa mwanafunzi wa mwaka wa pili katika chuo kikuu cha Nairobi alitoweka baada ya jaribio hilo la mapinduzi lakini baada ya siku tatu alijitokeza nyumbani kwao Vihiga.
Alikamatwa na kuachiliwa baada ya siku tatu.

0 comments:

Post a Comment

ufunguzi